Kryetari i komunës së Pejës, Gazmend Muhaxheri, ka thënë kanë nisur ta bëjnë pastrimin e rrugëve pas vërshimeve që kanë ndodhur në këtë qytet në fund të muajit qershor.
Muhaxheri tha se në lagjen ku vdiqën një nënë bashkë me fëmijën e saj janë tetë shtëpi, të cilat gjysma janë të ndërtuara në pronë private e gjysma në pronë publike.
“Në Pejë gjatë viteve ka mbase mbi 5 mijë ndërtime ilegale. Ne duhet të punojmë në atë mënyrë që të mos i dëmtojmë qytetarët dhe ta kthejmë gjendjen”.
“Ky shi që ka qenë, i ka tejkaluar parashikimet 100-vjeçare. Për 30 minuta ka rënë shi sa mund të bie brenda një muaji”, tha Muahxheri në Rubikon në Klan Kosova.
Tutje, ai tha se me ndryshimet klimatike, Peja është e rrezikuar, prandaj, sipas tij, duhet rritur kapaciteti i kanaleve në lagjet e prekura.