Burimet policore: “Autori u vra nga një qytetar që ndodhej në vend ngjarje”
Të paktën tetë persona u goditën nga një makinë në një stacion autobusi në veri të Tel Avivit, në një sulm që vazhdoi me thikë.
Nga izraelitët e plagosur, dy – duke përfshirë një grua – janë në gjendje të rëndë, sipas vlerësimit të fundit të sulmit të raportuar nga shefi i policisë, Yaacov Shabtai.
“Sulmuesi mbërriti në një furgon dhe goditi një stacion autobusi dhe menjëherë më pas – shpjegoi ai – filloi të godiste me thikë kalimtarët. Ai u ndal nga ndërhyrja e guximshme e një qytetari”, shtoi ai. Shabtai sinjalizoi se policia ishte në gatishmëri të lartë pas ngjarjeve në Jenin.
Sulmuesi, i ‘neutralizuar’ dhe i vrarë nga një qytetar, është një palestinez 23-vjeçar me origjinë nga një qytet afër Hebronit, sipas burimeve të raportuara nga mediat, të cilat e kanë identifikuar si Hassim Halaila. Ai kishte një leje për të marrë trajtim mjekësor në Tel Aviv.
Hamasi nga Gaza, i cituar nga media, vlerësoi sulmin duke e quajtur atë “hakmarrje heroike” për operacionin ushtarak në Jenin.
