Fillim i mbarë për Jannik Sinner në Wimbledon.
Tiroliani jugor (n.8 në botë) mundi me lehtësi argjentinasin Juan Manuel Cerundolo (n.111 ATP), vëllai i vogël i Franciskos, me rezultatin 6-2 6-2 6-2. Një rezultat që përshkruan qartë ecurinë e përballjes: një ndeshje që nuk u vu asnjëherë në pikëpyetje, në të cilën Janniku e kishte gjithmonë topin në dorë dhe shprehte tenis bindës.
Sigurisht, kufizimet e Cerundolos ishin evidente dhe diferenca në shpejtësinë e topit mes të dyve përfaqësonte faktorin e vërtetë diskriminues. Një përgjigje e mirë për Sinner, i cili erdhi në këtë turne mes shumë dyshimesh, duke pasur parasysh problemin fizik që pati në Halle, që e detyroi të tërhiqej në çerekfinale, pa harruar paraqitjet në dy muajt e fundit nën pritshmëritë.
“Në turnetet e kaluara që kam luajtur, kam luftuar për të gjetur tenisin tim. Tashmë në Halle, megjithatë, kam treguar gjëra më të mira, ndoshta duke bërë gabime të vogla, por ky jam unë. Në përgjithësi, luajta shumë mirë, shërbime të shkëlqyera dhe ritëm të lartë bazë. Këto aspekte bënë diferencën”, tha italiani në konferencën për shtyp.
Jemi duke menduar për ndeshjen e radhës që do të jetë kundër një argjentinasi tjetër, pikërisht Diego Schwartzman, i cili triumfoi ndaj serbit Miomir Kecmanoviç në raundin e parë: “Do të shohim cilat do të jenë kushtet, do të përpiqem të jem agresiv sepse kjo është mënyra se si ndihem më mirë duke luajtur në këtë sipërfaqe. Fizikisht ndihem mirë, lëndimi në Halle i përket të shkuarës, jam i përgatitur”.
