42 
Memli Krasniqi, kryetari i Partisë Demokratike të Kosovës (PDK), ka thënë se kryeministri i Kosovës, Albin Kurti nuk është racional.
Ai në Pressing të T7, ka deklaruar se vendi duhet të shkojë në zgjedhje.
“Unë po them hajde shkojmë në zgjedhje ta vendosë popull. Nuk mundet me qenë Kurti racional njeriu që e shkatërron të ardhmen e vendit”, ka thënë Krasniqi.
Ai tha se Vetëvendosja ka “një ushtri digjitale”, duke thënë se “sondazhi i vërtetë do të jetë ditën e zgjedhjeve”.
Sipas Krasniqi, Kurti nuk është duke qeverisur fare dhe rrjedhimisht emigracioni është shtuar.
Mbi këtë ai tha se “tema e Veriut është për t’iu ikur problemeve ekonomike të familjeve kosovare”.
