103 
Drejtori i së ashtuquajturës Zyrës për Kosovë në Qeverinë e Serbisë, Petar Petkoviq tha sot se Policia e Kosovës ka hyrë 500 metra sërish në territorin e Serbisë qendrore.
“Aty nuk kanë çfarë të kërkojnë dhe kanë hyrë me veturën e tyre të armatosur deri në dhëmbë”, tha Petkoviq.
Në një konferencën për media ai ka shfaqur një video ku pretendon se shihet se si, Policia e Kosovës “edhe një herë pushtoi territorin e Serbisë qendrore.
“Është dëshmi e pakundërshtueshme, e cila tregon se sa brutalisht Albin Kurti dhe Xhelal Sveçla pra Prishtina, shkelin Rezolutën 1244 dhe Marrëveshjen Ushtarako-Teknike. Ky është korpus delicti nga i cili shihet qartë se ata kanë hyrë në automjet të armatosur deri në dhëmbë”, tha Petkoviq.
