“Po i monitorojmë njerezit e Wagner në Bjellorusi”
“Suedia ka përmbushur të gjitha detyrimet e marra me memorandumin trepalësh të nënshkruar në Madrid. Në takimin e sotëm ramë dakord që kemi bërë përparim, hyrja e Suedisë është në interesin e të gjithëve dhe duam që ajo të hyjë sa më shpejt: nga vonesat e mëtejshme do të përfitojnë vetëm PKK dhe Putin”.
Kështu deklaroi Sekretari i përgjithshëm i NATO-s, Jens Stoltenberg, në fund të takimit me Suedinë, Finlandën dhe Turqinë në prag të samitit të Vilniusit.
Të hënën në kryeqytetin lituanez do të ketë një takim mes Erdoganit dhe kryeministrit suedez.
Për sa i përket transferimit të mercenarëve të Wagnerit në Bjellorusi, sekretari i përgjithshëm i NATO-s siguroi se: “Ne monitorojmë nga afër se ku shkojnë ushtarët e Wagner dhe lëvizjet e Prigozhin, kemi parë disa përgatitje për të pritur një numër të madh të personelit të Wagner në Bjellorusi, por deri më tani nuk kemi vërejtur një numër të madh të mbërritjeve”.
