Qeveria e Republikës së Kosovës ka zhvilluar mbledhjen e 150-të me radhë, në mënyrë elektronike, në të cilin ka miratuar vendimin me të cilin Qeveria e Republikës së Kosovës ka dhënë mendim lidhur me kandidaturat e propozuara nga Paneli Seleksionues për përzgjedhjen e Guvernatorit të Bankës Qendrore të Republikës së Kosovës.
“Me vendimin e miratuar, Qeveria e Republikës së Kosovës pajtohet me kandidaturat e propozuara nga Paneli Seleksionues për përzgjedhjen e Guvernatorit të Bankës Qendrore të Republikës së Kosovës dhe ky vendim do të përcillet në Kuvendin e Republikës së Kosovës”, thuhet në njoftim.
Ndërkaq, në një njoftim të Bankës Qendrore të Kosovës, thuhet se paneli për përzgjedhjen e Guvernatorit/es të BQK-së ka dërguar në Kuvendin e Kosovës dhe Qeveri, listën e kandidatëve të përzgjedhur.
Dy emrat e propozuar, sipas BQK-së janë Ahmet Ismaili me 84.67 pikë, nga 100 maksimale dhe Lulzim Ismajli me 73.67 pikë, nga 100 maksimale.