Ish-anësori i Juventusit, pasi i tha lamtumirë skadimit natyral të kontratës më 30 qershor, foli për të ardhmen e tij profesionale: intervista e plotë.
“Unë ende e ndjej pasionin dhe forcën. Ndihem mirë”. Kështu flet Juan Cuadrado, pak më shumë se një javë pas lamtumirës së tij përfundimtare me Juventusin, në skadimin e natyrshëm të kontratës së tij, në intervistën e dhënë per Diario As Colombia.
“Jam shumë i qetë, mendoj me kujdes për atë që është më e mira për mua, duke i kërkuar Zotit të më tregojë rrugën. Agjenti im Andrei Martínez ishte në Evropë dhe sapo ka ardhur për të biseduar me mua. Natyrisht që ka opsione dhe ne do të analizojmë se cili është më i miri”, shprehet anësori i fortë 35-vjeçar.
Cuadrado dhe Juventus
Për lamtumirën e tij me Juventusin: “Kur ndodhi e gjithë kjo fillova të mendoj dhe të reflektoj. U ndjeva krenar. Nëse dikush do të jetonte atë që ishte eksperienca ime në Juventus, për 8 vjet, duke qëndruar atje duke luftuar në nivelet më të larta, thjesht do ta falënderonte Zotin. E kisha ëndërruar, nuk e kisha imagjinuar kurrë, duke kaluar kaq shumë kohë dhe duke konkurruar në një nivel të lartë. Unë dua dhe shpresoj që lojtarët e ardhshëm që do të vijnë do të jenë në gjendje të bëjnë edhe më shumë. Se ata mund të jenë kolumbianët e radhës në Juventus ose Milan dhe se mund të lënë një trashëgimi. Më mbush me krenari që e kam jetuar gjithë këtë”.
Cuadrado dhe shakaja për Ronaldon
“E ardhmja në Arabinë Saudite? Tani për tani e ndjej ende pasionin, më pëlqen të luaj. Panita (Cristiano Ronaldo) është atje, por ai nuk dëshiron të më marrë – thotë ai me një buzëqeshje -. E përsëris, unë unë jam shumë i qetë. Tani do të flas me agjentin tim për opsionet e ndryshme dhe do të shohim se çfarë është më mirë. Një rikthim në Deportivo Independiente Medellin? Jo, jo, ishte vetëm për një kohë të shkurtër kur u ktheva në Amerikën e Jugut. Më pëlqen gjithmonë të stërvitem, të mos humbas ritmin dhe më dhanë këtë mundësi, por ishin tre ditë. ‘El Poderoso’ është skuadra e zemrës sime. Nëse paraqitet mundësia, do të ishte një gjë shumë e bukur për të përfunduar me këmishën kuq e blu. Le të shpresojmë se me ndihmën e Zotit mund të ndodhë. Kupa e Botës 2026? Do të ishte një sfidë e madhe, një objektiv, nëse Zoti më jep forcë të jem atje. Nga ana ime do të jap 150% për të qenë në kondicionin më të mire dhe do ta lë stafin teknik të vendosë”, shton Cuadrado, i cili do të mbërrinte në event në moshën 38-vjeçare.
Cuadrado dhe marrëdhënia me Yerry Mina
“Unë jam lutur për të në çdo ndeshje. Ai u fut në një situatë të vështirë pa pasur mundësi. Të gjithë e dimë se është një lojtar i madh. Ndonjëherë ky profesion sjell situata të vështira, por kur punon dhe bën përpjekje, shpërblimi vjen. Për mua ishte një bekim të shihja kur e shënoi atë gol. Kam parë të përfunduara tre ndeshjet e fundit. Ishte e rëndësishme për ekipin. Ne e dimë se kur është i shëndetshëm, Yerry Mina është një nga mbrojtësit më të mirë në botë. A do të doja ta shihja në Itali? Më e rëndësishme është që ai të mund të ndjekë rrugën që do t’i tregojë Zoti, ku të ndihet mirë dhe të jetë i lumtur me familjen e tij. Ai ka të gjitha karakteristikat për të luajtur në çdo ekip Itali dhe do të ishte një bekim nëse do të shkonte atje”, përfundon Juan Cuadrado duke folur për shokun e skuadrës kombëtare , me të cilin u kthye në vendlindje për të promovuar ndërtimin e një qendre tregtare në Guatapé, në departamentin e Antioquia.
