Portieri spanjoll ka komentuar lamtumirën e tij me Djajtë e Kuq me një postim në Instagram ku kujton sukseset e tij me ekipin.
David De Gea ka postuar në profilin e tij në Instagram për të përshëndetur Manchester United dhe tifozët:
“Unë thjesht doja të dërgoja këtë mesazh lamtumirës për të gjithë tifozët e Manchester United. Unë do të doja të shpreh mirënjohjen dhe vlerësimin tim të palëkundur për dashurinë e 12 viteve të fundit. Ne kemi arritur shumë që kur i dashur Sir Alex Fergusoni më solli në këtë klub”, ka shkruar portieri spanjoll.
“Kam qenë jashtëzakonisht krenar sa herë që kam veshur këtë fanellë, duke udhëhequr ekipin, duke përfaqësuar këtë institucion, klubin më të madh në botë, ka qenë një nder i dhënë vetëm për disa futbollistë me fat. Ka qenë një kohë e paharrueshme dhe e suksesshme që nga ajo kohë. Arrita këtu. Nuk e mendoja se duke u larguar nga Madridi si djalë i ri do të kishim arritur atë që kemi arritur së bashku. Tani është koha e duhur për të marrë një sfidë të re. Mançesteri do të jetë gjithmonë në zemrën time, Manchesteri me ka formuar dhe nuk do të më lërë kurrë. Ne i kemi parë të gjitha”.
De Gea largohet nga United pas 415 paraqitjeve në 12 vjet, 1 Premier League, 1 Europa League, 2 Kupa të Ligës angleze, 1 FA Cup.
