Policia e Kosovës ka arrestuar një rus ditën e premte në Leposaviq, pasi i njëjti kishte kaluar ilegalisht kufirin nga Serbia në Kosovë.
Në njoftimin e bërë nga Policia, thuhet se rasti ka ndodhur rreth orës 13:52.
“Zërnosek, Leposaviq 07.07.2023-13:52. Policia gjatë patrullimit kanë ndaluar të dyshuarin mashkull rus i cili me automjetin e tij kishte kaluar ilegalisht kufirin nga Serbia në Republikën e Kosovës. I njëjti është intervistuar dhe me vendim të prokurorit është arrestuar dhe dërguar në mbajtje”, ka njoftuar Policia.
Ndryshe, të premten Policia e Kosovës ka dërguar automjete të blinduara në drejtim të pikës kufitare në Jarinjë. Nga Policia e Kosovës kanë deklaruar se dërgimi i automjeteve të blinduara është bërë për çështje të sigurisë.
