Threads, aplikacioni i ri i mediave sociale i cili u lansua nga Mark Zuckerberg si rival i Twitter-it të Elon Musk, po e mbaron baterinë e celularëve, pretendojnë disa përdorues.
Aplikacioni tejkaloi 100 milionë përdorues në vetëm pesë ditë pas lansimit të tij me shumë personalitete të famshme që kaluan atje.
Ndërsa shumë përdorues po shijojnë aplikacionin e ri, disa të tjerë pohuan se Threads po mbaronte baterinë e smartfonit të tyre, raportoi NDTV.
Një numër përdoruesish, të frustruar nga kjo çështje, shkuan në Twitter për të diskutuar problemin. Njëri prej tyre tha se Threads po vret baterinë e telefonit të tyre me një shpejtësi “rrufeje”
Një nga përdoruesit tregoi një listë të aplikacioneve që konsumonin baterinë dhe Threads ishte në krye të listës. Aplikacioni përdori rreth 53% të energjisë së telefonit i ndjekur nga Twitter që përdori vetëm 12%.
Edhe pse shumë përdorues bënë pretendime të ngjashme, Meta ende nuk ka komentuar për këtë çështje.
Megjithatë, numri i përdoruesve është rritur që nga fillimi i Threads. Sipas New York Post, trafiku i Twitter ra me 11% krahasuar me të njëjtën periudhë të vitit të kaluar.
Threads i janë bashkuar 100 milionë njerëz në vetëm pesë ditë, duke rrëzuar ChatGPT nga froni për t’u bërë platforma më e shpejtë në internet për të arritur këtë arritje.
Ndërkohë Twitter ka njoftuar se do të padisë Metën, me pretendimin se ka përdorur sekretet tregtare dhe informacione të tjera konfidenciale.
Avokati i Elon Musk, Alex Spiro, ka akuzuar gjithashtu Zuckerberg për “keqpërdorim të paligjshëm të sekreteve tregtare dhe pronave të tjera intelektuale të Twitter”.
Meta iu përgjigj akuzave duke thënë se ekipi inxhinierik në Threads nuk përfshin asnjë ish-punonjës të Twitter.
