Dukagjini ka fituar ndaj FC Europa në kuadër të raundit të parë eliminator të Ligës së Konferencës me rezultat 2-1.
Klinasit e nisën më mirë ndeshjen dhe lehtë kanë mundur të kalojnë në epërsi në start, por Eljesa Zylfiu nuk ishte i saktë.
Por nuk vonoi dhe Dukagjini mori epërsinë në minutën e 30-të.
Goli i epërsisë për skuadrën klinase erdhi nga Bujar Shabani, i cili gjuajti nga një distancë prej 20 metrash.
https://twitter.com/FootColic/status/1679544719980765194?ref_src=twsrc%5Etfw%7Ctwcamp%5Etweetembed%7Ctwterm%5E1679544719980765194%7Ctwgr%5Ed23fa6b216dea1897714d040c33a0e69448d6cab%7Ctwcon%5Es1_&ref_url=https%3A%2F%2Ftelegrafi.com%2Fdukagjini-fitore-ne-frymen-e-fundit-ndaj-europas%2F
Në minutën e 40-të Dukagjini ka kërkuar penallti pas një prekje të topin me dorë në zonë, por gjyqtari nuk mendoi ashtu.
Pak pa u mbyllur pjesa e parë, mysafirët shënuan me Jesus Pozo, i cili ishte më i gjati në zonë për të shënuar me kokë për 1-1.
https://twitter.com/FootColic/status/1679549506361106444?ref_src=twsrc%5Etfw%7Ctwcamp%5Etweetembed%7Ctwterm%5E1679549506361106444%7Ctwgr%5Ed23fa6b216dea1897714d040c33a0e69448d6cab%7Ctwcon%5Es1_&ref_url=https%3A%2F%2Ftelegrafi.com%2Fdukagjini-fitore-ne-frymen-e-fundit-ndaj-europas%2F
Pjesën e dytë mysafirët e nisën më mirë duke rrezikuar që në start, por goditja nga afër e Ruiz përfundoi mbi portë.
Dukagjini kishte rast të mirë edhe me Dren Fekën, por goditja e tij u bllokua.
Disa çaste më vonë provoi edhe Ahmed Januzi nga distanca, por gjuajtja e tij u ndal nga portieri Marcos Zappacosta.
Në minutën e pestë të kohës shtesë, kur ndeshja pritej të mbyllej në barazim në skenë doli Eljasa Zylfiu që shënoi për 2-1 pas një devijimi të mbrojtjes.
https://twitter.com/FootColic/status/1679566573621723139?ref_src=twsrc%5Etfw%7Ctwcamp%5Etweetembed%7Ctwterm%5E1679566573621723139%7Ctwgr%5Ed23fa6b216dea1897714d040c33a0e69448d6cab%7Ctwcon%5Es1_&ref_url=https%3A%2F%2Ftelegrafi.com%2Fdukagjini-fitore-ne-frymen-e-fundit-ndaj-europas%2F
Dukagjini merr një fitore të rëndësishme para ndeshjes kthyese që zhvillohet pas një jave.
