Manchester United i ka dalë në mbrojtje Mason Mountit pasi pamjet e tij duke refuzuar të nënshkruajë autografe u bënë virale në mediat sociale.
Mesfushori, i cili mbërriti nga Chelsea në fillim të kësaj vere, u filmua teksa dy individë u përpoqën të merrnin autografe nga ai në një fanellë.
Ish-mesfushori i Bluve refuzoi dhe u largua, me videon që u bë shpejt virale në rrjetet sociale.
Por, United e ka akuzuar grupin si “gjuetarë profesionistë të autografeve” të cilët vazhdojnë t’u bëjnë presion lojtarëve që të nënshkruajnë relike në mënyrë që t’i shesin më vonë. Klubi ka pohuar se çështja po bëhet një problem i madh në Carrington dhe u zotua të marrë masa nëse vazhdon të ndodhë.
Në një deklaratë thuhet: “Për fat të keq kjo lloj situate është bërë shumë e zakonshme. Është gjëja e fundit që Mason meriton pasi ka qenë kaq miqësor me të gjithë ata që ka hasur që nga bashkimi me United”.
3 grown men following Mason Mount around for signed shirts for 3 days, this is so weird. Leave the man alone. pic.twitter.com/YuEpwFnziq
— Aarron (@utdaarron) July 14, 2023
“Gjuetarët profesionistë të autografeve po u bëjnë presion rregullisht lojtarëve të United për të nënshkruar sasi të mëdha artikujsh që më pas i shesin për qindra funte”.
Në video, Mount i përgjigjet me shpejtësi grupit duke thënë: “Ju e dini që unë nuk do ta nënshkruaj atë,” me të tjerët që vazhdojnë të luten. Ai më pas kërkon falje para se të shtojë: “Unë nuk kam nënshkruar asgjë për tre ditët e fundit, kështu që nuk e di pse vazhdoni të ktheheni”.
