Kryetari i komunës së Prizrenit nënshkruan marrëveshjen për binjakëzim me Kryetarin e Komunës së Bodrumit (Turqi) në prani të delegacioneve të të dyja vendeve.
Kryetari i komunës së Prizrenit, Shaqir Totaj, ka formalizuar marrëveshjen për binjakëzim me Kryetarin e Komunës së Bodrumit (Turqi) Ahmet Aras, në prani të delegacioneve të të dyja vendeve.
Lajmin e ka bërë të ditur kryetari Totaj në një postim në Facebook.
Kryetari Totaj shkruan:
Formalizuam marrëveshjen për binjakëzim me Kryetarin e Komunës së Bodrumit (Turqi), Ahmet Aras, në prani të delegacioneve të të dyja vendeve.
Bashkëpunimi në intensifikimin e promovimit kulturor, turizmit, forcimit të shkëmbimit ekonomik e social, do të jenë prioritetet e këtij bashkëpunimi në mes komunave tona.
Ndryshe, Kryetari Aras ka shërbyer si ushtar i KFOR-it turk në Prizren, në vitin 2012, dhe ka një konsideratë të veçantë për qytetin tonë që tashmë do të realizojmë projekte të përbashkëta për zhvillim.
