Gazetari Adriatik Kelmendi ka reaguar pas dekaratave skandaloze të Ministrit të Brendshëm Xhelal Sveçla, i cili ka thënë se kushdo që del sot në protesta, është pjesë e luftës hibride të Serbisë në Kosovë.
Kelemndi e ka përmendur faktin se ishte vet Sveçla i cili kishte protestuar e ishte rritur, pikërisht me protesta.
Gazetari Kelmendi, gjuhën kundër Buzhalës e Kajtazit e ka quajtur të rrezikshme.
E plotë:
“Ministri i Brendshëm, ai i cili sipas Kushtetutës së Republikës e ka për obligim ta ruajë secilin qytetar, i etiketon si bashkëpunëtorë të Serbisë dy ndër gazetarët më të njohur në Kosovë.
Ministri i Brendshëm, i cili është rritur me protesta, bën propagandë kundër një proteste. Dhe atë protestës së thirrur nga çlirimtarët e vendit!
Ta mendojmë se në cilat vende të botës do të mund të shihnim një gjuhë të këtillë ndaj gazetarëve që guxojnë dhe qytetarëve që protestojnë.
E tmerrshme në çfarë theqafje po rrëshqasim si shoqëri!
Çka nëse nesër dikush i sulmon fizikisht Vehbiun dhe Beratin për shkak se ministri – jo secili ministër, por ministri i brendshëm – në vend se t’ua garantojë të drejtat kushtetuese të lirisë së fjalës dhe protestës, i ka shpallur armiq?!
E rrezikshme, e papranueshme!”
