Shkrimit skajshmërisht përçarës dhe demonizues të Ministrit të Brendshëm, Xhelal Sveçla, ku tërë protestën e sotshme të thirrur nga qytetarët kosovarë e ka përkthyer në shërbim dhe favor të Serbisë dhe të së ashtuquajturës “luftë hibride” të Serbisë në Kosovë, i ka reaguar edhe zyrtarja e lartë e Lidhjes Demokratike të Kosovës, Jehona Lushaku Sadriu, e cila e vlerësoi si “propagandë” dhe “nxitje të dhunës”.
“Pushteti edhe sot paska zgjedhur të bëj propagandë duke nxitur dhunë. Një pushtet përqarës! Një pushtet i papërgjegjshëm! Një pushtet pa asnjë ndjesi për të ardhmen e fëmijëve tanë. Kjo nuk është Kosova që meritojnë qytetarët e saj: të izoluar e me pushtetarë konfliktuoz, që duan përplasje qytetare për të mbijetuar në pushtet!”, ka shkruaj ajo në Facebook.
