Bayern Munichu ka njoftuar se ka arritur marrëveshje me mbrojtësin, Minjae Kim.
Përmes një komunikate zyrtare në “Twitter”, bavarezët prezantuan ardhjen e re në këtë merkato verore.
Mbrojtësi i Kombëtares së Koresë së Jugut do të jetë pjesë e Bayernit deri më 30 qershor 2028.
“FC Bayern ka nënshkruar me Minjae Kim (26). Mbrojtësi i Kombëtares së Koresë së Jugut vjen nga SSC Napoli dhe ka nënshkruar me kampionët e rekordeve gjermane deri më 30 qershor 2028. Ai do të veshë fanellën me numrin 3”, thuhet në komunikatën e gjigantëve gjerman.
Kim pas nënshkrimit të kontratës, ai foli si lojtar i ri i Bayern Munichut.
“FC Bayern është ëndrra e çdo futbollisti. Me të vërtetë po pres me padurim gjithçka që më pret në Mynih. Për mua do të thotë një fillim i ri, do të vazhdoj të zhvillohem këtu. Në bisedimet me klubin më është bërë e qartë që në fillim se sa i madh është interesimi për mua. Qëllimi im i parë është të bëj shumë ndeshje. Përveç kësaj, unë dua të fitoj sa më shumë tituj të jetë e mundur”.
