86 
Është arrestuar një person pasi i kanosi zyrtarët korrektues të burgut, pasi ata nuk e lejuan që ta vizitojë një të burgosur.
Me vendim të prokurorit pas inicimit të rastit i dyshuari është liruar në procedurë të rregullt.
Ngjarja ka ndodhur në Burgun e Dubravës.
“Burgu i Dubravës, Istog 18.07.2023 – 08:55. Një mashkull kosovar është arrestuar për shkak se kishte kanosur zyrtarët korrektues të burgut. Incidenti kishte ndodhur pasi i dyshuari kishte kërkuar që të bënte vizitë një të burgosuri, mirëpo vizita ishte e ndaluar. Me vendim të prokurorit pas inicimit të rastit i dyshuari është liruar në procedurë të rregullt”, thuhet në njoftimin e policisë.
