Skuadra e Dukagjinit ka siguruar një sukses historik në Evropë.
Dukagjini ka kaluar në raundin e dytë kualifikues të Conference League, duke triumfuar edhe në ndeshjen e dytë ndaj FC Europa.
Rezultati në ndeshjen kthyese ishte 2 me 3, kurse ai i përgjitshmi 3 me 5.
Në raundin e dytë, Dukagjini do të përballet me skuadrën kroate, HNK Rijeka, që ka vlerë të përgjithshme rreth 32 milionë euro.
Kapiteni i kësaj skuadre, Elton Basriu tha se është shumë i lumtur për suksesin e arritur.
“Një ndeshje shumë e vështirë dhe jashtëzakonisht e luftuar. Jam i lumtur për angazhimin dhe karakterin që kemi si skuadër. Falenderoj të gjithë akterët që bënë të mundur këtë sukses.
Shpresoj që ky të jetë vetëm fillimi i shumë sukseseve të tjera që do të vijnë”, tha Basriu.
