Ish-ylli i Real Madridit dhe Sevillas, Sergio Ramos do të vendosë për të ardhmen e tij para fundit të korrikut.
Ramos është një lojtar i lirë pasi marrëveshja e tij me Paris Saint-Germain nuk u rinovua këtë verë, dhe që atëherë ka shqyrtuar opsionet e tij.
Supozohet se ai ishte i etur për një rikthim në Andaluzi, por kjo dështoi për shkak të mungesës së interesit nga Sevilla.
Ndërkohë gjigantët brazilian Flamengo ishin të interesuar, por Ramos nuk dëshiron të kalojë në Brazil.
Sipas gazetës Mundo Deportivo, e ardhmja e Ramos qëndron ose në Arabinë Saudite ose në SHBA në Major League Soccer.
Tani 37 vjeç, Ramos është pa dyshim në muzgun e karrierës së tij.
Në Arabinë Saudite ai pa dyshim do të fitojë shumë më tepër se kudo tjetër dhe ai mund t’i bashkohet ish-shokut të skuadrës Karim Benzema atje.
Ose ai mund të zgjedhë të ndjekë ish-legjendat e Barcelonës, Sergio Busquets dhe Lionel Messi në Amerikë, ku mënyra e jetesës është shumë më komode.
