87 
Trafikut Urban në Prishtinë pritet që së shpejti t’i shtohen edhe 30 autobusë të rinj. Kështu ka bërë të ditur kryetari i Prishtinës, Përparim Rama.
Rama ka theksuar se nga 30 autobusë të rinj, 6 prej tyre do të jenë elektrik.
“Shumë shpejt flotës së Trafikut Urban do t’i shtohen edhe 30 autobusë të rinj, 6 prej të cilëve do të jenë elektrik. Kjo do të përmirësojë tutje shërbimet e ofruara për qytetarët”, ka shkruar Rama.
Ai gjithashtu ka theksuar se që nga hyrja në fuqi e përdorimit të biletës ditore, është shtuar numri i udhëtarëve që përdorin Trafikun Urban.
“10.000 udhëtarë më shumë po përdorin autobusët e “Trafiku Urban”, si rezultat i vendimit të marrë në muajin janar të këtij viti për përdorimin e biletës ditore”, ka shkruar Rama.
