104 
Policia e Kosovës ka arrestuar dy persona në Gjakovë e Obiliq, pasi që të njëjtit ushtruan dhunë fizike ndaj grave të tyre.
Rasti në Gjakovë ka ndodhur në rrugën “Gjon Nikollë Kazazi”, ku i dyshuari pas një konflikti verbal për shkaqe xhelozie e kishte goditë me grusht në fytyrë viktimën femër kosovare me të cilën janë në lidhje dashurie.
Si pasojë e dhunës viktima ka pësuar lëndime dhe ka pranuar tretman mjekësor, kurse i dyshuari me vendim të prokurorit është dërguar në mbajtje.
Edhe në Obiliq për shkaqe xhelozie i dyshuari kishte ushtruar dhunë psikike dhe fizike ndaj bashkëshortes së tij viktimës femër kosovare.
Pas intervistimit me vendim të prokurorit i dyshuari është dërguar në mbajtje.
