Vazhdon të jetë e paqartë e ardhmja e Kylian Mbappes i cili ka kërkuar largimin nga Paris Saint Germain.
Real Madridi mbetet favoriti kryesor për të nënshkruar me francezin, por një tjetër klub ka bërë ofertën e parë zyrtare në drejtim të kampionëve në fuqi të Francës.
Skuadra arabe Al Hilal ka paraqitur ofertën zyrtare për t’i fituar shërbimet e Mbappes dhe bëhet fjalë për një ofertë që është rekord botëror.
https://twitter.com/FabrizioRomano/status/1683414863136079872?ref_src=twsrc%5Etfw%7Ctwcamp%5Etweetembed%7Ctwterm%5E1683414863136079872%7Ctwgr%5E04cef29fac0c0e7e5b0b5a039738d5e1ba1d01ce%7Ctwcon%5Es1_&ref_url=https%3A%2F%2Ftelegrafi.com%2Fal-hilal-dorezon-oferten-zyrtare-per-mbappen-eshte-rekord-boteror-ku-francezi-te-behej-shtrenjti-dhe-paguari-ne-histori%2F
Al Hilal i ka ofruar PSG-së 300 milionë euro dhe nëse pranohet kjo ofertë atëherë do të thyhet rekordi botëror i transferimeve i cili mbahet nga Neymar me 222 milionë euro.
Ndërkohë lojtarin e pret një kontratë pesë vjeçare nga e cila do të fitojë hiq më pak se 400 milionë euro në sezon, ku Mbappe do të bëhej futbollisti më i paguar në histori të futbollit.
Mbetet të shihet nëse 24-vjeçari do të pranojë një lëvizje shokuese në drejtim të kampionatit arab, ku tanimë shumë yje kanë zgjedhur milionat para karrierës në ligat më të forta evropiane.
Mediat e ndryshme evropiane kanë raportuar se Al Hilal është e gatshme t’i lejoj edhe një klauzolë largimi pas një viti Mbappes për tu transferuar në Real Madrid.
