110 
Greta Thunberg është shpallur fajtore dhe gjobitur për mosbindje ndaj urdhrit të policisë për t’u larguar nga një protestë lidhur me klimën në portin suedez të Malmos muajin e kaluar.
Aktivistja suedeze u deklarua e pafajshëm. “Veprimet e mia janë të justifikueshme”, i tha ajo gjykatës, sipas gazetës Sydsvenskan.
Gjoba do të bazohet në të ardhurat e Thunbergut.
Thunberg ishte pjesë e një grupi protestuesish që bllokuan rrugën për kamionët e naftës në portin e Malmos.
Ajo u akuzua për kundërshtim të urdhrit të Policisë.
“Besoj se jemi në një emergjencë që kërcënon jetën, shëndetin dhe pronën”, tha ajo para gjykatës, duke shtuar se “njerëz të panumërt” ishin në rrezik.
