Këshilltari i lartë i Departamentin amerikan të Shtetit, Derek Chollet, është nominuar për postin e nënsekretarit të Mbrojtjes për Politikë në administratën e Shteteve të Bashkuara të Amerikës.
Chollet, i cili është i përfshirë në çështjet që ndërlidhen me Ballkanin Perëndimor si dhe në atë të dialogut midis Kosovës e Serbisë, është uruar për nominimin në post të ri nga sekretari amerikan i Shtetit, Antony Blinken.
Chollet e falënderoi Blinkenin për mundësisë e, siç tha, “kthimit në Departamentin e Mbrojtjes dhe punës me sekretarin e Mbrojtjes për sigurinë e kombit”. Nominimin e Cholletit duhet ta konfirmojë edhe Senati amerikan. Në janar, Chollet qëndroi në Prishtinë dhe në Beograd si pjesë e një turneu rajonal. Postin për të cilin është nominuar Chollet, deri tash e ka mbajtur Colin Kahl.
