Ky është momenti i jashtëzakonshëm kur një raketë Starstreak e prodhimit britanik shkatërroi një helikopter rus që fluturonte mbi Ukrainë.
Sipas mediave të huaja, përcjell Telegrafi, pamjet dramatike tregojnë Ka-52 Alligator duke rënë në tokë pasi u godit drejtpërdrejt nga raketa tokë-ajër.
Para kësaj ai shihet duke u “rrotulluar” për disa sekonda pasi raketa shpërthen në trupin e aeroplanit, duke shkaktuar një shpërthim, me një shtëllungë të trashë tymi të dukshme teksa bie nga qielli.
Më pas helikopteri rrëzohet dhe shpërthen në flakë.
Një nga komandantët kryesorë të Putinit në bordin e avionit u vra, kanë pohuar burimet e mbrojtjes.
Raketat u hodhën nga një tank i lehtë Stormer i dhuruar vitin e kaluar, sipas burimeve ruse të mbrojtjes.
Ndërkohë një imazh i publikuar nga marinsat e Ukrainës supozohet se tregoi rrënojat në tokë në vijën e parë të Donbasit lindor.
