Albin Kurti dhe Bashkimi Europian kanë mendime të ndara për mbajtjen e zgjedhjeve në katër komunat veriore të Kosovës.
Albin Kurti kërkon që të organizohet peticion për dorëheqjen e kryetarëve aktual ndërsa Bashkimi Europian kërkon që sa më parë të shpallen zgjedhjet e reja dhe të mbahen ato me gjithëpërfshirje.
Nëpërmjet një zëdhënëse të sajë, Bashkimi Europian pret që palët të zbatojnë kërkesat e BE-së të cilat janë dhënë në deklaraten e përbashkët të 27 shteteve anëtare me datë 3 qershor 2023. Sipas asaj deklarate, zgjedhjet e parakohshme duhet të shpallen dhe të organizohen me gjithëpërfshirje sa më shpejt në katër komunat në serbi.
Të pyetur se si është forma që BE-ja përkrah shpalljen e zgjedhjeve sa më shpejt që të jetë e mundshme, BE-ja ka kujtuar se “dorëheqja e kryetarëve është rruga më e shpejt për të nxitur zgjedhje të parakohshme”, ndërsa ka kërkuar që “palët duhet të tregojnë konstruktivitet në realizimin e zgjedhjeve”.
BE-ja e ka cilësuar të paqëndrueshme status-quonë në veri të vendit pas dorëheqjes së serbëve nga institucionet e Kosovës dhe bojkotit të zgjedhjeve në veri nga serbët.
“Vazhdimi i protestave kundër kryetarëve të rinj, pa u nisur zgjedhjet e reja lokale në katër komunat, qoftë me dorëheqje apo peticione për dorëheqje, nuk është rruga përpara. BE-ja pret që zgjedhjet të jenë të lira dhe fer dhe që serbët e Kosovës të tregojnë angazhim konstruktiv në procesin zgjedhor, dhe të angazhohen për të marrë pjesë në to. Kjo do të ishte shenjë e qartë e synimit të serbëve të Kosovës për t’u kthyer në institucionet e Kosovës”, thuhet në përgjigjet të cilat i ka siguruar gazeta Koha – Shqipëri.
