41 
Deputetja e PDK-së, Ganimete Musliu në seancën e sotme të Kuvendit të Kosovës, që dështoi në mungesë korumi, është parë e veshur me një bluzë ku kreu i Qeverisë, Albin Kurti paraqitet me hundë të gjatë si “Pinokio”.
Këtë foto të Kurtit, Musliu e kishte vendosur në foltore edhe ditën kur deputetët e PDK’së u përleshën me ministrat e Qeverisë Kurti. Madje, kjo foto ishte bërë “mollë sherri”.
Pasi Musliu e kishte vendosur fotografinë, zëvendëskryeministri Besnik Bislimi ishte afruar te foltorja dhe e kishte grisur.
Pas këtij veprimi, deputeti i PDK’së Mërgim Lushtaku e kishte gjuajtur me ujë kryeministrin Albin Kurti, veprim pas të cilit Bislimi e kishte gjuajtur me shishe. Aty pastaj kishet nisur përleshja.
