Në kampin “Villaggio Italia” është mbajtur ceremonia e ndërrimit të komandës së Komandës Rajonale – Perëndim (RC-W) të misionit Kfor ndërmjet regjimentit të 9-të alpin të Brigadës Alpine Taurinense dhe regjimentit të 11-të Bersaglieri të Brigadës 132 të Blinduar Ariete.
Kalimi simbolik i flamurit të NATO-s midis kolonelit Mario Bozzi dhe kolonelit Gabriele Vacca ka konfirmuar nderrimin e komandes së RC-W, një njësi shumëkombëshe e përbërë kryesisht nga ushtarë italianë dhe që varet drejtpërdrejt nga Komanda e KFOR-it.
Në ceremoni morën pjesë komandanti operativ i forcave të përbashkëta (COVI), gjenerali i korpusit të ushtrisë Francesco Paolo Figliuolo, komandanti i KFOR-it, gjenerali i divizionit Angelo Michele Ristuccia, ambasadori italian në Kosovë, Antonello De Riu dhe autoritete të shumta lokale civile dhe fetare.
Gjenerali Figliuolo, duke sjellë përshëndetjet e Ministrit të Mbrojtjes Guido Crosetto dhe Shefit të Shtabit të Mbrojtjes, Admiral Giuseppe Cavo Dragone, për ushtrinë italiane, shprehu fjalë vlerësimi për rezultatet e arritura nga kontingjenti kombëtar gjatë një misioni që u krye në një realitet kompleks. siç është ai ballkanik, veçanërisht i njohur për gjeneralin Figliuolo, i cili ishte komandant i forcave të NATO-s në Kosovë ndërmjet viteve 2014 dhe 2015.
Gjenerali Ristuccia, theksoi se “Kontingjenti italian la një gjurmë të qartë brenda misionit të KFOR-it, duke ruajtur standardet më të larta të barazisë dhe paanësisë dhe duke krijuar kushte që kanë sjellë përfitime për të gjitha komunitetet që jetojnë në Kosovë. Popullsia ju vlerëson për përpjekjet që keni bërë, duke përfshirë projektet e ndryshme Cimic në mbështetje të institucioneve lokale arsimore dhe shëndetësore. Ju keni dhënë gjithmonë një shembull, duke u përkushtuar për të mirën e të gjithëve dhe duke u ofruar udhëheqësve të komunitetit lokal zgjidhje të qëndrueshme për bashkëjetesë paqësore. Jam krenar për ju, burra dhe gra të RC-W: një histori suksesi!”, raportojnë mediat italiane.
