Antarktidës i mungon një sasi akulli deti sa Argjentina, dhe shkencëtarët po përpiqen të kuptojnë pse.
Kështu shkruan CNN.
Ndërkohë që hemisfera veriore po mbytet në një valë të nxehti rekord, shumë në jug, në zemër të dimrit, thyhet një tjetër rekord i tmerrshëm klimatik.
Akulli i detit Antarktik ka rënë në nivele të ulëta të paprecedentë për këtë periudhë të vitit.
Çdo vit, akulli i detit Antarktik tkurret në nivelet më të ulëta në fund të shkurtit, gjatë verës së kontinentit. Më pas, akulli i detit rindërtohet gjatë dimrit.
Por këtë vit, shkencëtarët kanë vërejtur diçka ndryshe. Akulli i detit nuk është kthyer në nivelet e pritura. Në fakt, është në nivelin më të ulët për këtë periudhë të vitit që nga fillimi i regjistrimeve 45 vjet më parë.
Sipas të dhënave nga Qendra Kombëtare e të Dhënave për Borën dhe Akullin (NSIDC), akulli është rreth 1.6 milionë kilometra katrorë (0.6 milionë milje katrorë) nën rekordin e mëparshëm të dimrit të vendosur në vitin 2022.
Në mesin e korrikut, akulli i detit të Antarktidës ishte 2.6 milionë kilometra katrorë (1 milionë milje katrorë) nën mesataren e viteve 1981-2010. Kjo është një zonë pothuajse aq e madhe sa Argjentina ose zonat e kombinuara të Teksasit, Kalifornisë, New Mexico, Arizona, Nevada, Utah dhe Kolorado.
