Elon Musk tha të premten se përdoruesit mujorë të platformës së mediave sociale X, i njohur më parë si Twitter, arritën një “masë të re” dhe publikoi një grafik që tregonte numrin e fundit si mbi 540 milionë.
Postimi i Musk në X në lidhje me shifrat e përdoruesve vjen pasi kompania kalon nëpër ndryshime organizative dhe kërkon të rrisë të ardhurat nga reklamat të cilat kanë rënë në muajin e fundit.
Kohëve të fundit janë postuar një seri komentesh nga drejtuesit e X që pretendojnë për rritje të numrit të përdoruesve të cilat po ndodhin pasi që Meta Platforms (META.O) lançoi një platformë konkurruese të drejtpërdrejtë të quajtur Threads më 5 korrik.
Twitter kishte 229 milionë përdorues aktivë mujorë në maj 2022, sipas një deklarate të bërë përpara blerjes së firmës nga Musk në tetor. Musk postoi në nëntor se X kishte 259.4 milionë përdorues aktivë në ditë.
Që nga marrja e detyrës, Musk ka kaluar me shpejtësi përmes një sërë ndryshimesh të produkteve dhe organizative. Kompania prezantoi shenjën blu të verifikuar si një shërbim me pagesë dhe ka filluar të ndajë një pjesë të shitjeve të reklamave me krijuesit e përzgjedhur të përmbajtjes në platformë.
Në maj, Musk emëroi ish-shefen e reklamave të NBCUniversal Linda Yaccarino si CEO të X, duke sinjalizuar se shitjet e reklamave ishin një prioritet edhe pse platforma punonte për të rritur të ardhurat nga abonimet.
Në fillim të këtij muaji Musk tha gjithashtu se fluksi i parasë së X ishte negativ për shkak të një rënie prej gati 50% në të ardhurat nga reklamat dhe një ngarkesë të madhe borxhi, pa ofruar detaje.
