52 
Shtetet e Bashkuara po ndalojnë disa programe të ndihmës së huaj për qeverinë e Nigerit, por do të vazhdojnë të japin ndihmë humanitare dhe ushqimore, tha të premten Sekretari amerikan i Shtetit, Antony Blinken.
Junta ushtarake përmbysi presidentin e zgjedhur në mënyrë demokratike të Nigerit, Mohamed Bazoum dhe qeverinë e tij më 26 korrik.
“Siç e kemi bërë të qartë që në fillim, ndihma amerikane për qeverinë e Nigerit varet nga qeverisja demokratike dhe respektimi i rendit kushtetues,” tha zoti Blinken në një deklaratë të premten.
Shefat e mbrojtjes të vendeve të Afrikës Perëndimore kanë hartuar një plan për ndërhyrje ushtarake nëse grushti i shtetit të Nigerit nuk përmbyset deri të dielën.
