Shiu ju prish planet pushuesve. Durrësi dhe Vlora përfshihen nga reshjet e dendura të shiut, trafik i rënduar në disa akse rrugore

81

Moti i keq u ka prishur planet pushueseve këtë fundjavë, duke i privuar na plazhi dhe duke shkaktuar vështirësi në qarkullimin, në disa qytete të vendit.

Shiu i rrëmbyeshëm ka bërë që në shumë rrugë të Vlorës të ketë probleme. Disa prej akseve rrugore, kryesisht në lagjet 1 Maji, 24 Maji dhe Pavarësia, raportohet se janë nën pushtetin e ujit.

Reshjet vijojnë ende të jenë të dendura çka mund të shkaktojë edhe përmbytje në qytet.

Situatë problematikë paraqitet edhe në Durrës, ku në rrugët e qytetit është krijuar trafik i rënduar duke vështirësuar kështu qarkullimin.

Po ashtu, në qytetin bregdetar turistët që kanë ardhur për pushime apo për fundjavë, janë detyruar të largohen për shkak të shiut.