Katër ushtarë të tjerë sirianë u plagosën
Katër ushtarë sirianë u vranë dhe katër të tjerë u plagosën më herët gjatë ditës së sotme në sulmet izraelite në periferi të Damaskut, thanë media shtetërore, duke cituar një burim ushtarak.
“Armiku izraelit ka kryer një sulm ajror nga lartësitë e pushtuara të Golanit duke synuar zonat në periferi të Damaskut”, tha Sana.
Sulmi shkaktoi edhe dëme materiale, shtoi agjencia siriane e lajmeve, duke thënë se mbrojtja ajrore e Damaskut ka kapur disa raketa.
Që nga fillimi i luftës në Siri në vitin 2011, Izraeli ka kryer qindra sulme ajrore kundër pozicioneve të regjimit sirian dhe kundër forcave iraniane dhe Hezbollahut, aleatëve të Damaskut dhe armiqve të betuar të Izraelit.
Shteti hebre rrallë komenton këto sulme rast pas rasti, por thotë se dëshiron të parandalojë Iranin që të vendoset në pragun e tij.
