Azilkërkuesit janë larguar nga kampi i azilaneteve ne anijen “Bibby Stockholm” në Dorset pasi që aty gjetën në ujë bakteret Legionella.
Bakteret Legionella, që zakonisht gjenden në ujë, mund të shkaktojnë një lloj të rëndë pneumonie të njohur si sëmundja e Legjionarëve.
Zyra e Brendshme e Mbretërisë së Bashkuar tha se të gjithë 39 azilkërkuesit në Bibby Stockholm janë larguar “si një masë paraprake”, por asnjë nuk është i sëmurë. Robert Jenrick, ministri i imigracionit, tha se po zhvillon takime për situatën.
Testimi për bakteret Legionella u krye përpara se azilkërkuesit të hynin në bord, por rezultatet – që tregonin nivelet e baktereve Legionella që kërkonin hetime të mëtejshme – u rikthyen vetëm këtë javë, sipas burimeve të Home Office.
Bakteret besohet se kanë ardhur nga tubat në maune në Portland, pranë Weymouth.
Agjencia e Sigurisë Shëndetësore në Mbretërinë e Bashkuar (UKHSA) këshilloi të enjten në mbrëmje se vetëm gjashtë azilkërkuesit që mbërritën në këtë kamp të enjten duhet të largohen, por Ministria e Brendshme vendosi t’i largojë të gjithë 39 si masë paraprake.
Zyrtarët e Home Office janë në pritje të rezultateve të testeve pasuese në sistemin e ujit nga oficerët mjedisorë të Këshillit Dorset.
