Paris Saint-Germain ka ndryshuar qëndrimin rreth asaj çfarë pritet të ndodhë me Kylian Mbappen.
Klubi parisien e përjashtoi sulmuesin francez nga ndeshja me Lorient që përfundoi pa gola mbrëmë, ndërsa tani ka marrë vendim të ri.
Kjo situatë tashmë është e ditur se përse është krijuar, me 24-vjeçarin që po refuzon të rinovojë kontratën dhe që refuzon po ashtu të shitet në këtë verë.
Andaj, diskutimet e mbrëmshme kanë ndryshuar komplet rrjedhën mes Mbappes dhe PSG-së.
Kampioni i Ligue 1 tani ka bërë të ditur se ka vendosur të riintegrojë Mbappen në skuadër.
“Pas diskutimeve shumë konstruktive dhe pozitive midis Paris Saint-Germain dhe Kylian Mbappe para ndeshjes PSG-Lorient, lojtari është rikthyer në skuadrën stërvitore të ekipit të parë mëngjesin e sotëm”, thuhet në njoftimin e tyre.
Raporthet po ashtu se Mbappe është i gatshëm që të rinovojë kontratën me PSG-në me një klauzolë që i mundëson largimin në rrethana më ndryshe.
https://twitter.com/FabrizioRomano/status/1690648221024935936?ref_src=twsrc%5Etfw%7Ctwcamp%5Etweetembed%7Ctwterm%5E1690648221024935936%7Ctwgr%5Eeee4829cb026ada7f52c6c748dff51f802a79295%7Ctwcon%5Es1_&ref_url=https%3A%2F%2Ftelegrafi.com%2Fpsg-del-vendim-zyrtar-per-kylian-mbappen-pas-ndodhive-te-fundit%2F
