Autoritetet lokale pretendojnë se trupat e tyre u gjetën në një zonë të njohur për trafik të paligjshëm
Tetëmbëdhjetë kufoma të djegura u gjetën të martën në Parkun Kombëtar Dadia në Greqinë verilindore, në kufi me Turqinë.
Ditën e djeshme në ato zona u përhapën flakët e zjarrit që shpërtheu katër ditë më parë pranë qytetit port të Aleksandropolis.
Sipas autoriteteve lokale bëhet fjalë për emigrantë.
“Meqenëse askush nuk mungon, ne supozojmë se janë emigrantë të paligjshëm”, tha zëdhënësi i brigadës së zjarrfikësve, Giannis Artopoios për transmetuesin shtetëror grek ERT.
Emigrantët që kalojnë ilegalisht kufirin e Turqisë me Greqinë fshihen shpesh në pyjet e rajonit, Trakisë, ku zjarri u përhap dje.
Më pas, kontrabandistët përpiqen të kontrabandojnë njerëz nëpër autostradën e afërt për në Greqinë perëndimore dhe vende të tjera evropiane.
