43 
Dy persona janë arrestuar të martën në Prishtinë nën dyshimin se kanë kryer veprën penale “keqpërdorim i kartelave bankare”.
“Janë arrestuar dy të dyshuar meshkuj kosovarë pasi që të njëjtit kanë keqpërdorur të dhënat e kartelave bankare, duke i përdorur në mënyrë të paautorizuar”, ka njoftuar policia.
Siç bën të ditur Policia në raportin ditor, gjatë kontrollit në shtëpitë e të dyshuarve, në cilësi të provave materiale janë gjetur dhe konfiskuar: dy shtëpiza të kompjuterit, 4 telefona celular, dhe një kartelë bankare.
Me vendim të prokurorit të dyshuarit janë liruar, rasti vazhdon në procedurë të rregullt.
