“Më shumë përpjekje për qeverisje globale më të drejtë dhe më të arsyeshme”
Ndjekja e zhvillimit është “një e drejtë e patjetërsueshme e të gjitha vendeve, jo një privilegj i disave”.
Presidenti kinez Xi Jinping, duke folur në samitin e 15-të të BRICS në Johannesburg, Afrika e Jugut, bëri thirrje gjithashtu për “zgjerim të shpejtë” të grupit në vende të reja dhe përpjekje për të promovuar “qeverisje globale më të drejtë dhe më të arsyeshme”, njoftuan mediat shtetërore te Pekinit.
Presidenti kinez Xi Jinping e quajti praktikën e “paketimit të rregullave dhe rregulloreve të veta si standarde ndërkombëtare” si “të papranueshme”.
Duke folur në samitin e 15-të të BRICS në Afrikën e Jugut, Xi vuri në dukje se “normat ndërkombëtare duhet të shkruhen dhe të mbështeten nga të gjitha vendet bazuar në qëllimet dhe parimet e Kartës së OKB-së, në vend që të diktohen nga ata me muskujt më të fortë dhe zërin më të lartë”.
Udhëheqësi kinez, sipas mediave shtetërore në Pekin, ka intensifikuar edhe kritikat e tij duke e cilësuar edhe më të papranueshme praktikën e “bashkimit të forcave për të formuar grupe ekskluzive”.
