Sipas një njoftimi të Policisë së Kosovës, policia në Vushtrri, me datën 23.08.2023, ka arrestuar një person për të cilin kishte urdhëresë aktive nga Gjykata Themelore në Mitrovicë- dega në Vushtrri, për veprën penale ,,Uzurpim i paligjshëm i pronës së paluajtshme”. Pas përfundimit të procedurave të nevojshme policore, i dyshuari G.A., 48 vjeçar është dërguar në Gjykatë, dhe pasi qe ka kryer obligimet ndaj gjykatës është liruar.
“Arrestimi i personit të dytë D.D., 24 vjeçar është realizuar nga njësitë policore në Mitrovicë, sot me datën 24.08.2023 rreth orës 06:25. Personi i dyshuar në fjalë ka qenë i kërkuar në bazë të gjashtë urdhër-arresteve të lëshuara nga Gjykata Themelore në Mitrovicë dhe Gjykata Themelore në Pejë, për veprat penale: ,,Lëndim i rëndë trupor”, ,,Posedim i paautorizuar i substancave narkotike”, ,,Sulm ndaj personit zyrtar”, ,,Vjedhje” dhe dy vepra ,,Vjedhje e rendë”, vazhdon njoftimi duke shtuar se personi i arrestuar do te procedohet në gjykatat kompetente për shqyrtime gjyqësore.
