Moska tha se rrëzoi 42 dronë ukrainas në Krime, duke përshkruar një sulm masiv në gadishullin e aneksuar ku Kievi tha dje se kreu një operacion të rrallë komando.
“Nëntë dronë u shkatërruan si pasojë e goditjes së zjarrit në territorin e Republikës së Krimesë.
Tridhjetë e tre dronë u neutralizuan nga distanca dhe u rrëzuan pa arritur objektivin (e tyre)”, tha Mbrojtja Ruse në Telegram. Ministria nuk dha informacione për dëme apo viktima si pasojë e shkatërrimit të pajisjeve.
