Presidentja Vjosa Osmani është takuar me disa të rinj shqiptarë në Austri, para nisjes së Forimit Europian Alpbach.
Osmani ka publikuar fotografinë nga Alpet austriake duke shkruar në Facebook: “Një mëngjes frymëzues në Alpet austriake me të rinjtë e jashtëzakonshëm shqiptarë para Forumit Evropian Alpbach 2023”.
Ajo e shpërndau fotografinë e njëjtë edhe në rrjetin social X, duke shkruar se e ka nisur ditën në Alpbach me “studentë frymëzues nga Kosova, Shqipëria dhe diaspora jonë në Forumin Evropian Alpbach të këtij viti”.
“Mezi pres diskutimin e sotëm të panelit mbi avancimin e rrugës së Kosovës për në BE, adresimin e sfidave aktuale dhe nevojën për një proces të përshpejtuar zgjerimi”, shkroi Osmani.
Siç njoftoi zyra e për shtyp e Presidencës, Osmani “do të jetë folëse në panelin kryesor në hapje të Forumit, i cili do të fokusohet në rishikimin e politikës aktuale të zgjerimit, adresimit të sfidave aktuale politike dhe të sigurisë, si dhe avancimin e Kosovës në rrugën drejt integrimit evropian”.
https://twitter.com/VjosaOsmaniPRKS/status/1695728342601715759?ref_src=twsrc%5Etfw%7Ctwcamp%5Etweetembed%7Ctwterm%5E1695728342601715759%7Ctwgr%5E6ff2118834da16ecd6c6c7c0ad5b2848c03663c5%7Ctwcon%5Es1_&ref_url=https%3A%2F%2Fwww.gazetaexpress.com%2Fosmani-i-takon-disa-studente-shqiptare-ne-austri-mezi-pres-diskutimin-e-sotem-mbi-avancimin-e-rruges-se-kosoves-per-ne-be%2F
