Kryeministri i Kosovës, Albin Kurti, ka shkruar pas takimit që e kishte me Miroslav Lajçakun, emisarin e Bashkimit Evropian për dialogun Kosovë – Serbi.
Takimi ka ndodhur gjatë Forumit të Bledit, që po mbahet në Slloveni.
E Kurti ka thënë se kanë nevojë për për marrëdhënie të mira fqinjësore dhe njohje reciproke, de-jure dhe de-facto me Serbinë.
“Diskutuan mundësinë për takimin e radhës të nivelit të lartë në Bruksel për zbatimin e Marrëveshjes Themelore. Me procesin e ri-fokusuar të zgjerimit të BE-së, ne kemi nevojë për marrëdhënie të mira fqinjësore dhe njohje reciproke, de-jure dhe de-facto”, ka shkruar Kurti në Twitter, të hënën.
Çka tha Lajçaku?
Lajçak ka treguar se po paralajmërohet një takim i nivelit të lartë në mes Kosovës dhe Serbisë gjatë muajit shtator.
Qëllimi i takimit do të jetë normalizimi i marrëdhënieve si dhe zbatimi i deklaratës së 3 qershorit, një marrëveshje mes Kosovës dhe Bashkimit Evropian për hapat që Qeveria e Kosovës duhet t’i ndërmarrë për depërshkallëzimin e situatës në Veri.
”Pata një takim të rëndësishëm me kryeministrin Albin Kurti sot në Bled. Tema jonë kryesore e diskutimit ishin përgatitjet e Takimit të radhës të Dialogut të Nivelit të Lartë në shtator me fokus normalizimin e marrëdhënieve dhe zbatimin e deklaratës të 3 qershorit”, ka shkruar Lajçak në Twitter.
.@BledStratForum met w/ EUSR @MiroslavLajcak & discussed the opportunity for the next high-level meeting in Brussels for the implementation of the Basic Agreement. W/ re-focused EU enlargement process, we need good neighborly relations and mutual recognition, de-jure, & de-facto. pic.twitter.com/fojvfH4rYv
— Albin Kurti (@albinkurti) August 28, 2023
