Chopra është indiani i parë që fiton një te arte dhe Nadeem i pari pakistanez që fiton një medalje në Kampionatin Botëror të Atletikës të mbajtur në Budapest.
Kampioni olimpik Neeraj Chopra është bërë indiani i parë që fiton medaljen e artë në Kampionatin Botëror të Atletikës, duke mposhtur pakistanezin Arshad Nadeem në finalen e shtizës për meshkuj me një gjuajtje 88.17 metra.
Chopra kishte fituar medaljen e artë olimpike në Tokio në vitin 2021, por fitoi vetëm një argjend në kampionatin botëror në Shtetet e Bashkuara vitin e kaluar.
Nadeem i Pakistanit, i rikthyer nga operacioni në bërryl dhe një dëmtim në gju, bëri përpjekjen më të mirë të sezonit të tij prej 87.82 metra në përpjekjen e tij të tretë për të fituar medaljen e argjendtë, ndërsa Jakub Vadlejch i Republikës Çeke mori të bronzten me një përpjekje 86.67 metra.
