Kryetari i Kryeqytetit, Perparim Rama, ka njoftuar se kanë pranuar një donacion mjete dhe inventar të ri nga Ambasada Amerikane për Gjimnazin e Shkencave Shoqërore “Ahmet Gashi”.
Njoftimi i plotë i kryetarit Rama:
Nxënësit e Gjimnazit të Shkencave Shoqërore “Ahmet Gashi” do e nisin vitin e ri shkollor me mjete të reja dhe inventar të ri.
10 kontejnerë me inventar shkollor sot u dhuruan nga Ambasada Amerikane e që ne me këto mjete të po synojmë jo vetëm të mobilojmë një shkollë por po investojmë në të ardhmen e vendit tonë dhe në përmirësimin e arritshmërive akademike.
Nga viti i ardhshëm do të filloj edhe renovimi i objektit të kësaj shkolle, financuar nga Ambasada Amerikane.
Falënderoj znj. Alyson Grunder, Zëvendës Shefe e Misionit të SHBA-së dhe Kolonelin z. Ryan Conley, Shef i Zyrës për Bashkëpunim Mbrojtës për donacionin.
