Ministri i Jashtëm rus, Sergej Lavrov dhe ministri i jashtëm turk, Hakan Fidan do të zhvillojnë takime për furnizimet me grurë në Moskë këtë javë.
Kështu u shpreh ministria e Jashtme ruse në një deklaratë të mërkurën, shkruan CNN.
Lavrov dhe Fidan do të diskutojnë alternativat ndaj marrëveshjes së grurit të Detit të Zi që nuk është më në fuqi, gjatë takimeve në kryeqytetin rus të enjten dhe të premten, tha ministria.
“Ministrat e Jashtëm të Rusisë dhe Turqisë synojnë të punojnë për parametrat për zbatimin e iniciativës së presidentit rus, Vladimir Putin për organizimin e furnizimit të Turqisë me 1 milion ton drithë ruse me çmim të reduktuar me mbështetjen financiare të Katarit. përpunimi i mëvonshëm në ndërmarrjet turke dhe dërgesa në vendet që kanë më shumë nevojë”, tha Ministria e Jashtme ruse.
Ministria e Jashtme turke tha gjithashtu të mërkurën se Fidan do të udhëtojë në Rusi të enjten dhe të premten.
“Gjatë vizitës do të diskutohen çështjet e agjendës sonë dypalëshe si dhe zhvillimet rajonale dhe globale”, thuhet në një deklaratë të shkurtër të Ministrisë së Jashtme turke./abcnews.al
