Paris Jackson ka thyer heshtjen e saj se pse nuk e uron babanë e saj të ndjerë, superyllin Michael Jackson në ditëlindjen e tij.
Aktorja modele shpjegoi se si përdoruesit e rrjeteve sociale e gjykojnë dashurinë e saj për babanë e saj nga homazhet e saj në internet, disa shkuan aq larg sa i thanë asaj të “vrit veten” nëse nuk mund ta urosh atë.
Në një video të shpërndarë në Instagram, ylli i American Horror Stories tha se Mbretit të Popit nuk i pëlqente kurrë të festonte ditëlindjet e tij kur ishte gjallë.
“Kështu që sot është ditëlindja e babait tim dhe kur ishte gjallë, ai urrente këdo që ia kujtonte ditëlindjen, i uronte ditëlindjen, e festonte, diçka të tillë”, tha ajo.
“Ai në fakt nuk donte që ne ta dinim se kur ishte ditëlindja e tijj, sepse nuk donte që ne të organizonim një festë”, shtoi Paris.
“Nëse nuk i uron dikujt ditëlindjen përmes rrjeteve sociale, me sa duket do të thotë që nuk e do, nuk kujdesesh për të”, u drejtua ajo urrejtësve në internet.
Paris foli për urrejtjen brutale në internet me të cilën përballet, duke shtuar: “Ka pasur raste kur nuk postoj asgjë për ditëlindjen e babait tim dhe njerëzit humbasin mendjen. Më thonë të vras veten”. “Dhe ata në thelb po matin dashurinë time për babanë tim bazuar në atë që postoj në Instagram.”
Madje, në mbishkrimin e videos, ajo u ka kërkuar ndjekësve të saj që të jenë të sjellshëm dhe të dhembshur me njerëzit që nuk i njohin personalisht.
