Nëpërmjet një postimi në faqen zyrtare të komunës së Istogut mësohet se KFOR Italian ka dhuruar Zjarrfikësve të Istogut një donacion të vlefshëm me pajisje që përdoren në raste të aksidenteve në komunikacion rrugor dhe pajisje për kërkim-shpëtim në zona urbane.
Donacionet në emër të KFOR-it Italian i ka dorëzuar Komandanti i Komandës Rajonale të KFOR-it-Perëndim, koloneli Gabriele Vacca, i cili ka thënë se ky donacion i përgjigjet nevojave që kanë zjarrfikësit dhe vjen falë bashkëpunimit të mirë dhe të sinqertë që ka KFOR-i me institucionet lokale të Istogut.
Në këtë ceremoni, komuna e Istogut është përfaqësuar nga nënkryetari i saj z.Ali Nimanaj i cili me këtë rast e ka falenderuar KFOR-in Italian për këtë donacion dhe për kontributin e tyre të vazhdueshëm për ruajtjen e sigurisë.
Ndërkaq Komandanti i NJPZSH-së në Istog, Sadik Kovačević tha se ky donacion ka për qellim rritjen dhe modernizimin e kapaciteteve teknike që kjo njësi të jetë sa më e kompletuar për siç tha ai që ti dalin në ndihmë qytetarëve në raste te ndryshme.
