Regjisori francez Philippe Garrel, babai i aktorit Louis, akuzohet nga 5 aktore për tentativë për qasje seksuale pa pëlqim dhe propozime seksuale të avancuara gjatë takimeve profesionale.
“Asnjë ankesë nuk është paraqitur deri më tani”, saktëson Mediapart, sipas së cilës disa nga episodet rrezikojnë të klasifikohen si sulme seksuale. Ndër aktoret që dëshmojnë, Anna Mouglalis, e cila luajti me të në filmin “Xhelozia” në 2013 dhe pretendon se me atë rast nuk kishte “asgjë pa vend”.
Një vit më pas, megjithatë, në një takim të organizuar në shtëpinë e Mouglalis për përgatitjen e një filmi tjetër, regjisori u shtri në shtratin e saj duke i kërkuar që të bënte të njëjtën gjë pranë tij.
Disa prej aktoreve thonë se Garrel u ka ofruar të shkojnë në hotel me të. Ai do t’i kishte thënë Marie Vialle se “nuk do të mund ta bënte filmin” me të “nëse nuk do të kishin fjetur” së bashku.
Cituar nga i njëjti sajt Mediapart, regjisori pranon: “duke lexuar të gjitha këto dëshmi, kuptoj dallimin mes asaj që imagjinoja atëherë dhe asaj që i bëra të përjetonin”.
