Florian Marku është treguar një sportist i madh pas duelit me Dylan Moran.
Boksieri shqiptar fitoi me nokaut teknik ndaj irlandezit pas vetëm 54 sekondash nga starti i përballjes.
Përkundër se kishte situata tensionuese para duelit, pas tij Marku dhe Moran arritën ta ndajnë pjesën garuese nga ajo personale.
Këtë e ka dëshmuar edhe irlandezit, që ka postuar një video në llogarinë e tij në platformën X (më parë njihej si Twitter).
“Unë nuk bëj justifikime për paraqitjen dhe u munda nga njeriu më i mirë në këtë natë. Urime @florianmarku dhe ekipit”.
“Pa mbështetjen e të gjithëve nuk jam asgjë në këtë lojë ju kam borxh të gjithëve, Faleminderit”, ka shkruar Moran.
Dyshja shihen me një përqafim sportiv, duke i uruar njëri-tjetrit më të mirat në karrierë.
